Fransa klubunda növbəti koronavirus şoku

"Strasburq" klubunun daha 4 futbolçusunda koronavirusa yoluxma aşkar edilib.

Corner.az xəbər verir ki, bu barədə klubun rəsmi saytı bildirib.

Qeyd edilir ki, iyulun 29-da komandanın 5 üzvünün COVID-19 testinin nəticəsinin müsbət olmasından sonra yeni analizlərin verilməsi barədə qərar qəbul edilib.

Beləliklə, hazırda karantində 9 nəfər var. Bununla əlaqədar olaraq "Strasburq" "Reyms"lə avqustun 8-ə planlaşdırılan yoldaşlıq görüşü də təxirə salınıb.

Xatırladaq ki, "Strasburq" 27 turdan sonra 38 xal yığaraq Fransa çempionatının vaxtından əvvəl başa çatmış mövsümünün yarış cədvəlində 11-ci yer tutur.