PSJ-nin hücumçusu Neymarın durumuna aydınlıq gəlib.
Corner.az xəbər verir ki, UEFA Çempionlar Liqasının qrup mərhələsinin ikinci turu çərçivəsində “Başakşəhər”lə matçda (2:0) zədələnən braziliyalı futbolçu tibbi müayinədən keçib.
28 yaşlı futbolçunun əzələsindən xəsarət aldığı aşkarlanıb. Neymar ən azı üç həftəlik yaşıl meydanlardan uzaq qalacaq. O, milli komandaların oyunları ilə əlaqədar yaranacaq fasilədən sonra məşqlərə qatılacaq. Neymar Çempionlar Liqasının “Leypsiq”, Liqa 1-in “Nant” və “Renn”lə görüşlərində iştirak etməyəcək.
Qeyd edək ki, Neymar İstanbuldakı matçın 26-cı dəqiqəsində əvəzlənmişdi.
