İsveçrə məhkəməsi korrupsiyada ittiham edilən PSJ-nin prezidenti və “beIN Media Group”un rəhbəri Nasser Əl-Xelaifi ilə bağlı yekun qərarını açıqlayıb.
Corner.az xəbər verir ki, məhkəmə 46 yaşlı funksionerin bəraət alması ilə bağlı qərar verib.
PSJ-nin prezidenti dünya çempionatları matçlarının yayım hüquqlarının alınması üçün FIFA-nın sabiq baş katibi Jerom Valkeyə rüşvət verməkdə ittiham olunurdu.
Qeyd edək ki, Əl-Xelaifi 2013-cü ildən media holdinqin rəhbəridir. O, 2011-ci ildən PSJ-nin rəhbəri, Qətər Tennis Federasiyasının prezidenti, Asiya Tennis Federasiyasının vitse-prezidenti vəzifələrində çalışır.
