Fransa klubu satışa çıxarıldı

Fransanın “Lill” klubu satışa çıxarılıb.
 

Corner.az xəbər verir ki, bunu Liqa 1 təmsilçisinin prezidenti Jerar Lopes yerli mətbuata açıqlamasında deyib.

Onun sözlərinə görə, klubun borclarını ödəyə bilmədikləri üçün onu satışa çıxarıblar. O, “Elliott Management” və “JP Morgan” kimi fondlardan aldığı 225 milyon avroluq krediti ödəməkdə çətinlik çəkdiyini bildirib. Pandemiyanın yaratdığı iqtisadi çətinliklərlə əlaqədar gəlirlərinin azaldığını bildirən Lopes yeganə çıxış yolunun klubu satmaq olduğunu deyib.
 
Qeyd edək ki, mövsümə uğurlu start verən “Lill” 15 oyuna 32 xalla Liqa 1-də liderdir.