Mbappe Tuçel'lə vidalaşdı

PSJ-nin hücumçusu Kilian Mbappe istefaya göndərilən baş məşqçi Tomas Tuçellə vidalaşıb.

Corner.az xəbər verir ki, bu barədə o, sosial şəbəkə hesabında paylaşım edib.

Tuçelin klub tarixinə adını yazdırdığını bildirən Mbappe ona təşəkkür edib: “Təəssüf ki, bu, futbolun qanunudur. Ancaq burada keçirdiyin günlər heç vaxt unudulmayacaq. Klub tarixində çox gözəl bir iz qoydun. Təşəkkür edirəm”.

Qeyd edək ki, klub hələlik Tuçelin istefaya göndərilməsi ilə bağlı rəsmi açıqlama verməyib. Fransa mətbuatı isə artıq PSJ-nin Mauriso Poçettino ilə razılığa gəldiyini yazıb.