Neymar olmadan oynamaq çətindir amma ... - Mbappe

Fransa Liqa 1-in son turunda Lyon-a məğlub olan PSG-nin futbolçusu Kylian Mbappe, oyundan sonra açıqlama verib.

Corner.az xəbər verir ki, 20 yaşlı hücumçu mövsümün sonuna qədər məğlub olmayacaqlarını deyib: “Bu məğlubiyyətə layiq olub-olmadığımızı bilmirəm, amma məğlubiyyətdən sonra hələ də çempionatda liderik. Oyuna yaxşı başladıq və ilk qolu vurduq. Həm rəqibin, həm də bizim qol şanslarımız vardı. Şanslarımızdan istifadə edə bilmədik.Çempionlar Liqasının oyunları ilə bağlı narahat olmayacam. Belə oyunlar olur. Qələbə qazanmalıyıq. Mövsümün sonuna qədər məğlub olmamaq üçün çalışacağıq”.

Fransa millisinin futbolçusu, komanda yoldaşı Neymarın yoxluğu haqqında da danışıb: “Neymar olmadan oynamaq çətindir, amma bu vəziyyəti qəbul etməliyik. Keçən il də o, zədələnmişdi. Vəziyyət necə olur olsun, eyni səhvləri etməmək üçün çalışmalıyıq. Əks halda, bu, bir şey öyrənməməyimiz deməkdir”.

Qeyd edək ki, PSG, ən yaxın izləyicisi Lille-ni 8 xal qabaqlayır.