“Olimpik” (Marsel) klubunun yeni baş məşqçisinin adına rəsmən aydınlıq gəlib.
Corner.az xəbər verir ki, sözügedən komandanı bundan sonra Xorxe Sampaoli çalışdıracaq.
Bu barədə klubun rəsmi saytı məlumat yayıb. Liqa 1 təmsilçisi 60 yaşlı mütəxəssislə müddəti 2023-cü ilin yayına qədər olan müqavilə bağlayıb.
Sampaoli son olaraq Braziliyanın “Atletiko Mineyro” klubunu çalışdırıb. Argentinalı mütəxəssis Fransa klubunda bir müddət əvvəl istefa vermiş Andre Villaş-Boaşı əvəz edib.
“Olimpik” Fransa çempionatının cari mövsümündə 25 oyuna topladığı 38 xalla 8-ci pillədə qərarlaşıb.