Monako rusiyalı futbolçusunu ölkəsinə buraxmadı

 "Monako"nun futbolçusu Aleksandr Qolovin Rusiya millisinin Soçidəki təlim-məşq toplanışına qatıla bilməyəcək.

Corner.az klubun rəsmi saytına istinadən xəbər verir ki, Liqa 1 təmsilçisi 24 yaşlı yarımmüdafiəçinin ölkəsinə getməsinə icazə verməyib. O, komandasının DÇ-2022-nin seçmə mərhələsində martın 27-də Sloveniya ilə evdə oynayacağı matçda komandasına kömək edə bilməyəcək.

Rusiya Avropa Birliyinə daxil olmadığından, Qolovin yığmanın düşərgəsindən qayıtdıqdan sonra 5 gün karantində qalmalı idi. Bunu nəzərə alan "Monako" rəhbərliyi onun Soçi toplanışında və ölkəsindəki oyunda iştirak etməməsini məqsədəuyğun sayıb.

Amma Qolovin Rusiya millisinin martın 24-də Malta və 30-da Slovakiya ilə səfər görüşlərində meydana çıxa biləcək