Fransa çempionatının 30-cu turu çərçivəsində keçirilən Lion ilə səfər oyunu PSJ-nin hücumçusu Kilian Mbappe üçün əlamətdar olub.
Corner.az xəbər verir ki, 22 yaşlı futbolçu 4:2 hesablı qələbəyə imza atdıqları oyunda dubl edib.
Bununla da o, Liqa 1-də vurduğu qolların sayını 100-ə çatdırıb. Mbappe ölkə çempionatında 100 qol həddinə çatan ən gənc futbolçuya çevrilib. Fransalı futbolçu buna 22 yaşında nail olub. Əvvəlki rekord “Sent-Etyen”in sabiq futbolçu Herve Revelliyə məxsus idi.
Qeyd edək ki, Mbappe çempionatda vurduğu 101 qoldan 85-nə PSJ-nin, 16-sına isə əvvəlki klubu “Monako”nun heyətində imza atıb. O, bu mövsüm Liqa 1-də 24 oyuna 18 qol vurub, 6 məhsuldar ötürmə müəllifi olub.
