- Fransa L.1
- 22:55 02.12.2025
PSJ-nin futbolçusu Neymar klubla müqaviləsinin uzadılma məsələsinə münasibət bildirib.
Corner.az ESPN-ə istinadən xəbər verir ki, 29 yaşlı hücumçu sözləşməsinin yenilənməsinin artıq problem olmadığını bildirib.
Braziliyalı oyunçu Parisdə xoşbəxt olduğunu söyləyib: "PSJ ilə müqavilənin uzadılması artıq problem deyil. Parisdə özümü evimdəki kimi hiss edirəm və əvvəlkindən də xoşbəxtəm".
Qeyd edək ki, Neymar PSJ-yə 2017-ci ilin yayında 222 milyon avro qarşılığında "Barselona"dan keçib. Onun hazırkı müqaviləsi 2022-ci ilin yayında başa çatacaq.
