Fransa çempionatında komandaların sayı azaldıla bilər

Futbol üzrə Fransa Liqa 1-də komanda sayı azaldıla bilər.

Corner.az xəbər verir ki, bu barədə “Le Parisien” nəşri məlumat yayıb. Məlumatda, Fransa Peşəkar Futbol Liqasının (LFP) Liqa 1-də komanda sayını 20-dən 18-ə endirməyi düşündüyü bildirilib. Qurumun aprelin 21-də keçirilən iclasında bu məsələ müzakirə olunub. İclasda LFP-nin bəzi nümayəndələri klub sayının 16-ya endirilməsi təklifini də irəli sürüb.

Liqa 1-də komanda sayının azaldılması ilə bağlı qərar qəbul edilsə, bu, 2022/23 mövsümündən tətbiq ediləcək.

Liqa 1-də hazırda 20 komanda mübarizə aparır. “Lill” komandası 34 turdan sonra 73 xalla liderdir. PSJ və “Monako” isə hərəyə 71 xal toplayaraq, 2 və 3-cü yerləri bölüşürlər.