Lyon-dan 626 milyonluq gəlir

Fransann Lyon klubu transferdə tarixi uğur əldə edib.

Corner.az xəbər verir ki, Liqa 1 təmsilçisi 2000/01 mövsümündən bu yana futbolçu transferindən 626,47 milyon avro qazanıb.

Lyon-un son 18 ildə ən bahalı satışı Arsenal-a olub. Belə ki, “topçular” 2017/18 mövsümündə 53 milyon avro qarşılığında Lyon-dan Aleksandr Lakazetti heyətinə qatıb.

Real Madrid isə bu müddət ərzində fransızlardan 3 futbolçu almasıyla diqqət çəkib. “Kral klubu” Kərim Benzema üçün 35, Lassana Diarra üçün isə 25 milyona avro ödəyib. Madrid təmsilçisinin Lyon-dan son transferi isə Mariano Dias olub. Real forvard üçün 21 milyon avro ödəyib.

Lyon 2000/01 mövsümündən bu yana, Chelsea, Bayern Münich, Barcelona, Arsenal, Real Madrid, Monaco və Roma kimi klublara futbolçu satıb.