- Fransa L.1
- 22:45 21.10.2024
Fransa Liqa 1-də mövsümün son turunun oyunları keçirilib.
Corner.az xəbər verir ki, bütün qarşılaşmalar eyni vaxtda baş tutub.
Lider “Lill” son turda səfərdə “Anje”nin qonağı olub. “Lill” bu turda qələbə qazanacağı təqdirdə çempion olacaqdı. Üç qolun qeydə alındığı oyun məhz qonaqların qələbəsiylə başa çatıb. Beləliklə, “Lill” tarixində dördüncü dəfə Fransa çempionu olub. Turnir cədvəlinin ikinci sırasında yer alan PSJ səfərdə “Brest”in qonağı olub. Paris təmsilçisi də turu və mövsümü qələbə ilə başa vurmasına baxmayaq ikinci yerlə kifayətlənib.
“Lion” doğma meydanda “Nitsa”ya məğlub olub. “Monako” isə səfərdə “Lans”ın qonağı olub və 1 xalla dönüb. “Marsel” də son turda “Mets”lə heç-heçə edib.
Beləliklə, yekunda “Lill” 83 xalla çempion olub. 82 xal toplamış PSJ ikinci yeri tutubsa, 78 xalı olan “Monako” üçüncülüklə kifayətlənib. Bu üç komanda UEFA Çempionlar Liqasında iştirak hüququ əldə edib.
76 xalı olan “Lion” və 60 xala malik “Marsel” dördüncü və beşinci pillələri tutmaqla Fransanı Avropa Liqasında təmsil edəcək. 58 xalla altıncı yeri tutan “Renn” isə Avropa Konfrans Liqasında mübarizə aparacaq.
"Dijon” və “Nim” elitanı tərk edib. “Nant” isə Liqa 1-də qalmaq üçün aşağı liqadan gələn komanda ilə pley-off qarşılaşmasına çıxacaq.
Fransa Liqa 1, 38-ci tur
23 may
Anje – Lill 1:2
Qol: Fulqini, 90+1 – David, 10. B.Yılmaz, 45+1-pen.
Brest – PSJ 0:2
Qol: Favr, 37-öz qapısına. Mbappe, 71.
Lans – Monako 0:0
Lion – Nitsa 2:3
Qol: Ekambi, 14; 40 – Dolberq, 27. Kamara, 70. Saliba, 57.
Mets – Marsel 1:1
Qol: Bulaya, 90+6-pen – Milik, 90+13-pen.
Nant – Monpelye 1:2
Qol: Kolo, 33 – Laborde, 30. Delor, 76.
Reyms – Bordo 1:2
Qol: Ture, 15 – Adli, 44. Kvatenq, 58.
Renn – Nim 2:0
Qol: Jirassi, 25. Buriqe, 51.
Strasburq – Loryan 1:1
Qol: Diallo, 18 – Çaloba, 55.
Sent-Etyen – Dijon 0:1
Qol: Kamara, 39.