Barselona mənimlə maraqlanır – Depay

Fransanın “Lion” klubunun futbolçusu Memfis Depay açıqlama verib.

Corner.az xarici mətbuata istinadən xəbər verir ki, niderlandlı hücumçu, “Barselona” klubunun onunla maraqlandığını deyib:

“Ronald Kumanın “Barselona”da qalmasını istəyirəm. Yeni mövsümdə harda olacağımdan asılı olmayaraq, Kumanın Kataloniyada qalmasını istəyirəm. “Barselona” mənimlə maraqlanır. Kataloniya təmsilçisi möhtəşəm komandadır, lakin başqa klublardan da təkliflər var. Hazırda bütün diqqətim Niderland milli komandasının qarşıdakı oyunlarındadır”.

Depayın yeni mövsümdə “Barselona”da çıxış edəcəyi gözlənilir.