AÇ-2020: Bunu unutmaq çətin olacaq – Mbappe

Fransa milli komandasının futbolçusu Kilian Mbappe AÇ-2020-nin 1/8 finalında İsveçrəyə uduzduqları oyundan (3:3, penaltilər 4:5) sonra fikirlərini bildirib.

Corner.az xəbər verir ki, penaltilər seriyasında uğursuz olan Mbappe, “instagram” hesabı vasitəsilə bunları deyib:

“Bunu unutmaq çətin olacaq. Penalti üçün kədərliyəm. Komandama kömək etmək istəyirdim, ancaq alınmadı. Yatmaq çətin olacaq, ancaq futbolun da belə zərərləri var.

İsveçrəni təbrik edirəm. Növbəti turnirlərə daha güclü qayıtmaq ən böyük hədəfimiz olacaq”.

Fransa yığması AÇ-2020-də mübarizəni 1/8 finalda dayandırıb.