Kütləvi davaya görə dayandırılan matçla bağlı qərar verildi

Fransa Liqa 1-in 3-cü turunda azarkeşlərlə futbolçular arasında yaşanan qalmaqala görə yarımçıq dayandırılan “Nitsa” – “Marsel” oyunu ilə bağlı qərar verilib.

Corner.az xəbər verir ki, görüş neytral meydançada, azarkeşsiz baş tutacaq. Bu barədə turnirin mətbuat xidməti məlumat yayıb. Məlumatda, oyunun nə zaman keçiriləcəyi isə hələ məlum olmadığı bildirilib.

“Nitsa” – “Marsel” matçı (0:0) ikinci hissənin sonlarına yaxın təxirə salınıb. Meydan sahibi komandanın azarkeşləri “Marsel”in futbolçusu Dimitri Payetə butulka atıb. Payet daha sonra butulkanı azarkeşlər tərəfə fırladıb və bundan sonra fanatlar meydana daxil olublar.