Hara gedəcəyimi düşünməyə başladım

Ötən ay “Barselona”dan PSJ-yə keçən Lionel Messi açıqlama verib.

Corner.az xəbər verir ki, Fransa mətbuatına danışan 34 yaşlı hücumçu, PSJ-yə keçmə səbəbini açıqlayıb:

“Barselona” mənim klubda qalmayacağımla bağlı paylaşım etdi. Bu andan sonra hara gedəcəyimi düşünməyə başladım və karyeramı davam etmək üçün bir klub tapmalıydım. Şanslıyam ki, bir çox klubdan təklif gəldi və onların arasında PSJ də var idi. Mənimlə ilk əlaqələri xoş oldu. Mənə dəyər verdiklərini göstərdikləri üçün təşəkkür edirəm. Həqiqətən, hazırda PSJ-də olduğum üçün çox xoşbəxtəm.

Başqa təkliflər də var idi, ancaq qərarımı tez verdim. Danışıqlar start verildi. PSJ-nin layihəsi ilə tanış oldum və bəyəndim. Klubun hədəfləri böyükdür. Məni ən çox təsirləndirən də bu oldu”.

Messi PSJ ilə 2+1 illik müqavilə imzalayıb.