PSJ-nin qapıçısı Çempionlar Liqası matçını buraxacaq

Kosta-Rika millisinin və PSJ klubunun qapıçısı Keylor Navas sıradan çıxıb. 

Corner.az-ın məlumatına görə, 34 yaşlı qolkiper ABŞ-a 1:2 hesabı ilə məğlub olduqları 2022-ci il dünya çempionatının seçmə oyununda zədələnib. 

Navas əzələsindəki problem səbəbindən fasilə zamanı əvəzlənib. Təcrübəli qapıçı Parisə qayıtdıqdan sonra tibbi müayinədən keçəcək. 

Navas oktyabrın 15-də Fransa Liqa 1-in X turunda Anje ilə matçı və oktyabrın 19-da Çempionlar Liqasının qrup mərhələsinin III turunda Almaniya "Leyptsiq"i ilə görüşdə çıxış etməyəcək.

Qeyd edək ki, Keylor Navas cari mövsüm PSJ-nin heyətində 6 oyunda meydana çıxıb.