İngiltərə Premyer Liqasında daha iki oyun koronavirusa görə təxirə salınıb. Corner.az xəbər verir ki, 20-ci tur çərçivəsində keçirilməli olan “Arsenal” – “Vulverhempton” və “Lids” – “Aston Villa” matçları nəzərdə tutulan vaxtda baş tutmayacaq.
Bu barədə Premyer Liqanın rəsmi saytı məlumat yayıb. Məlumatda, buna “Vulverhempton” və “Lids” klublarında koronavirusa kütləvi yoluxma səbəb göstərilib.
Hər iki oyunun dekabrın 28-də keçirilməsi nəzərdə tutulmuşdu. Son həftələrdə Premyer Liqada demək olar hər turda azı 3-4 oyun koronavirusa görə təxirə salınır. Bu matçların nə vaxt keçiriləcəyinə daha sonra qərar veriləcək.
