“Qarabağ”ın Konfrans Liqasının pely-off mərhələsindəki rəqibi – Marsel “Olimpik”i Fransa kubokunda növbəti matçına çıxıb. Corner.az xəbər verir ki, Xorxe Sampaolinin rəhbərlik etdiyi komanda 1/16 final mərhələsində “Şovini” ilə üz-üzə gəlib.
Üç qolun qeydə alındığı matçda Marsel təmsilçisi qələbə qazanaraq növbəti mərhələyə adlayıb. “Olimpik”in qələbə qollarını Arkadiuş Milik, Cengiz Ündər və Amin Arit vurub.
“Qarabağ”ın Marsel “Olimpik”i ilə ilk oyunu fevralın 17-də Fransada baş tutacaq. Komandalar arasındakı cavab oyunu isə bir həftə sonra Bakıda keçiriləcək.
