- Fransa L.1
- 22:15 22.11.2024
Fransanın PSJ klubunun futbolçusu Lionel Messi antirekorda imza atıb.
Corner.az-ın məlumatına görə, 34 yaşlı hücumçu Fransa Liqa 1-də meydana çıxdığı 12 oyunda 1 qol vurub.
Bu, argentinalı oyunçunun daxili çempionatlardakı ən pis göstəricisidir. PSJ son olaraq 22-ci turda "Reyms"ə 4:0 hesabı ilə qalib gəlib. Messi həmin qarşılaşmanın 63-cü dəqiqəsində meydana daxil olub və fərqlənə bilməyib.
Qeyd edək ki, Lionel Messi cari mövsüm bütün turnirlərdə 17 matça çıxıb, 6 qol və 4 məhsuldar ötürmə ilə yadda qalıb.
