Fransa kubokunda 1/8 final mərhələsinə start verilib. Corner.az xəbər verir ki, ilk gündə beş qarşılaşma keçirilib.
“Nant” “Brest”i, “Amyen” “Nansi”ni, “Versal” isə “Tuluza”nı məğlub edərək mübarizədən kənarlaşdırıb.
“Bastiya” “Reyms”lə oyunda penaltilərlə qalib gələrək mərhələ adlayıb. “Qarabağ”ın Avropa Konfrans Liqasındakı rəqibi – “Olimpik Marsel”i isə “Monpelye” ilə üz-üzə gəlib. Oyunun əsas vaxtında qalib müəyyənləşməyib. Bu üzdən də penalti seriyasına ehtiyac duyulub. 11 metrlik zərbələri daha dəqiq olan “Marsel” 1/4 finala yüksəlib.
Fransa kuboku
1/8 final
29 yanvar
Nant – Brest 2:0
Nansi – Amyen 0:2
Tuluza – Versal 0:1
Reyms – Bastiya 1:1 (penaltilər 3:5)
Olimpik (Marsel) – Monpelye 1:1 (penaltilər 5:4)
