Balotelliyə ağır cəza - rəqibin burnunu qırıb
"Marseille"nin futbolçusu Mario Balotelli 8 oyunluq cəzalandırıla bilər.
Corner.az xəbər verir ki, buna səbəb 28 yaşlı hücumçunun Fransa Liqasının 31-ci turunda "Bordeaux" ilə matçda etdiyi kobud hərəkətdi. O, epizodların birində rəqibin oyunçusu Pablo Nasimentoya dirsək zərbəsi vurub. Nəticədə braziliyalı futbolçunun burnu qırılıb.Hakim baş verənləri görmədiyindən Balotelli cəzasız qalıb. Lakin daha sonra epizodun şəkilləri yayılıb və İntizam Komitəsi araşdırmaya başlayıb. Balotellinin 5-8 oyun cəzalandırılacağı gözlənilir.
Qeyd edək ki, italiyalı futbolçu bu mövsüm 21 oyuna 7 qol vurub.
