Fransa kubokunda 1/8 final mərhələsinə yekun vurulub. Corner.az xəbər verir ki, sonuncu oyun günündə bir qarşılaşma baş tutub.
Liqa 1-in lideri PSJ kubokda “Nitsa” ilə qarşılaşıb. Görüşün əsas vaxtında qalib müəyyənləşməyib. Bu üzdən penaltilər seriyasına ehtiyac duyulub. 11 metrlik zərbələrdə daha dəqiq olan “Nitsa” növbəti mərhələyə vəsiqəni təmin edib.
Daha öncə “Nant”, “Amyen”, “Versal”, “Bastiya”, “Olimpik” (Marsel), “Berjerak” və “Monako” da 1/4 finala vəsiqə qazanmışdı.
Fransa kuboku
1/8 final
29 yanvar
Nant – Brest 2:0
Nansi – Amyen 0:2
Tuluza – Versal 0:1
Reyms – Bastiya 1:1 (penaltilər 3:5)
Olimpik (Marsel) – Monpelye 1:1 (penaltilər 5:4)
30 yanvar
Berjerak – Sent Etyen 1:0
Lans – Monako 2:4
31 yanvar
PSJ – Nitsa 0:0 (penaltilər 5:6)
