Fransa çempionatında 26-cı turun oyunlarına yekun vurulub. Corner.az xəbər verir ki, turun əksər qarşılaşmaları sonuncu oyun gününə təsadüf edib.
“Monako” evində “Reyms”i, “Anje” “Lans”ı, “Brest” isə “Loryan”ı qəbul edib. Bu görüşlərdə hamısında meydan sahibləri məğlub olub. “Klermon” – “Bordo” və “Mets” – “Nant” oyunlarında qalib müəyyənləşməyib.
Avropa Konfrans Liqasında “Qarabağ”ı mübarizədən kənarlaşdıran Marsel “Olimpik”i səfərdə “Trua”nın qonağı olub. Bu oyunda da qalib müəyyənləşməyib
. Lion “Olimpik”i isə evdə son çempion “Lill”i qəbul edib və minimal hesabla məğlub olub.
Fransa Liqa 1
26-cı tur
25 fevral
Monpelye – Renn 2:4
Qol: Oyonqo, 19. Vahi, 41 – Terrye, 8. Buriqe, 15. Laborde, 52. Mayer, 84.
26 fevral
Strasburq – Nitsa 0:0
PSJ – Sent-Etyen 3:1
Qol: Mbappe, 42; 47. Danilo, 52 – Bouanqa, 16.
27 fevral
Monako – Reyms 1:2
Qol: Ben Yedder, 55 – Volland, 84-öz qapısına. Mbuku, 90+2.
Anje – Lans 1:2
Qol: Fulgini, 49 – Mendi, 73-öz qapısına. Klauss, 76.
Brest – Loryan 0:1
Qol: Kone, 73.
Klermon – Bordo 1:1
Qol: Raşani, 32 – Jullavoqi, 13.
Mets – Nant 0:0
Trua – Olimpik (Marsel) 1:1
Qol: Tuzqar, 90 – Payet, 28-pen.
Olimpik (Lion) – Lill 0:1
Qol: Qudmundsson, 35.
