Messi əvvəlki qədər yaxşı olmayacaq - Platini

UEFA-nın keçmiş rəhbəri, Fransanın əfsanəvi futbolçusu Mişel Platini PSJ-də gözləntilərin altında qalan Lionel Messi ilə bağlı açıqlamalar verib.

Corner.az xəbər verir ki,  Platini Paris klubunun ulduz futbolçusunun əvvəlki kimi yaxşı oyun göstərə bilməyəcəyini bildirib.

"Sizcə Messi PSJ-yə getməklə səhv etdi?" sualına Platini belə cavab verib:"O, istədiyini etməkdə azaddır. O, "Barselona"dan ayrılmaq qərarını verdi. Messi kimi bir oyunçu üçün bu, şübhəsiz ki, çətindir. 34 yaşın var, nə qədər dəyərli olduğunu bilirsən, amma əvvəlki kimi yaxşı oynayacaqsanmı? Bilmirsən."

Argentinalı futbolçunun əvvəlki kimi yaxşı olmayacağını bildirən Platini, "Onun əvvəlki kimi yaxşı oynamayacağını bilirdim. Leo yeni bir meydan oxumağa qərar verdi. Onun bu yeri seçməsi Fransa futbolu üçün yaxşı oldu, amma o, heç vaxt 5-6 il əvvəlki kimi yaxşı oynamayacaq”. dedi.

Qeyd edək ki, Messi mövsüm PSJ-nin heyətində 26 matçda 7 qol vurub və 10 məhsuldar ötürmə edib.