Fransa çempionatında 30-cu tura start verilib. Corner.az xəbər verir ki, ilk oyun günündə iki qarşılaşma baş tutub.
Turun açılış oyununda “Nitsa” son 5 matçda məğlub olmayan “Renn”lə üz-üzə gəlib. Tərəflər bu oyunda meydanı hərəyə 1 qol və 1 xalla tərk ediblər.
Son çempion “Lill” də doğma meydanda autsayder “Bordo”nu qəbul edib. Bu görüşdə qapılara qol vurulmayıb.
Bu gün həm də Marsel “Olimpik”i təhlükəli zonadan qurtulmağa can atan “Sent-Etyen”in qonağı olmalı idi. Lakin bu görüş güclü qar səbəbindən təxirə salınıb.
Fransa Liqa 1
30-cu tur
2 aprel
Nitsa – Renn 1:1
Qol: Delor, 67 – Terrye, 78.
Lill – Bordo 0:0
Sent-Etyen – Olimpik (Marsel) matçı təxirə salınıb
