Mbappe tarixə düşdü

Fransa Liqasının 33-cü turunda keçirilən PSG- Monaco oyunu meydan sahiblərinin futbolçusu Kylian Mbappe üçün əlamətdar olub.

Corner.az Fransa mətbuatına istinadən xəbər verir ki, sözügedən qarşılaşmada het-trik edən Paris təmsilçisinin 20 yaşlı hücumçusu Kylian Mbappe Liqa 1 tarixinə düşüb. Belə ki, fransalı futbolçu cari mövsümdə 30 qol vuraraq, Fransa çempionatlarında bu sayda qol vura bilən ən gənc futbolçu ünvanını qazanıb. Mbappe keçmiş hücumçu Erve Revellinin rekordunu yeniləyib.

Qeyd edək ki, Kylian Mbappe bu mövsüm ümumikdə 40 oyunda 36 qol vurub.