"PSG avrokuboklardan uzaqlaşdırılmalıdır"
“Nə “Real Madrid”, nə də “Barcelona” PSG-yə qarşı ittiham irəli sürməyi məndən tələb etməyiblər. Bu məsələ Neymarın transferinə aid deyil. PSG və “Manchester City” Avropa futbolundakı maliyyə sabitliyi üçün böyük təhlükədir”.
Corner.az-ın Qol.az-a istinadən məlumatına görə, bu sözləri İspaniya La Liqasının prezidenti Javier Tebas “L'Equipe”ə açıqlamasında deyib.PSJ-nin maliyyə feyr-pleyini pozduğunu iddia edən Tebas Paris klubunun Çempionlar Liqasından uzaqlaşdırılmalı olduğunu bildirib: “PSG transfer bazarında infilyasiya yaradır. Digər komandalar bu klub-dövlətlərlə rəqabət aparmaq üçün həddindən artıq vəsait xərcləməyə məcbur olurlar. Hər şey UEFA-nın standartlarına uyğun olmalıdır. Qaydalar belə klubların avrokuboklardan uzaqlaşdırılmasını tələb edirsə, onda onları mütləq uzaqlaşdırmaq lazımdır. Hamını aldadan klub avrokuboklarda olmamalıdır”.
