Futbol üzrə Fransa çempionatında 4-cü turun oyunları keçirilir. Corner.az xəbər verir ki, “Qarabağ”ın Avropa Liqasındakı rəqibi “Nant” növbəti matçına çıxıb.
Sözügedən komanda öz meydanında “Tuluza”nı qəbul edib. İlk hissədən sonra 0:1 geridə olan “Qarabağ”ın rəqibi fasilədən sonra 3 qol vuraraq əzmkar qələbə qazanıb.
Bu, sözügedən komandanın yeni mövsümdəki ilk qələbəsidir. 4 oyundan sonra 5 xalı olan “Nant” 20 iştirakçı arasında 9-cu pillədə qərarlaşıb.
“Qarabağ”ın “Nant”a qarşı ilk oyunu sentyabrın 15-də Bakıda, ikinci matçı isə oktyabrın 27-də səfərdə olacaq.
