Qarabağ'ın rəqibindən 5 oyundan sonra qələbə

"Qarabağ”ın UEFA Avropa Liqasının qrup mərhələsindəki rəqiblərindən olan “Nant” klubu Fransa Liqa 1-də növbəti oyununa çıxıb.

Corner.az məlumatına görə, Antuan Kambuarenin rəhbərlik etdiyi komanda doğma meydanda XI turda “Brest”i qəbul edib.

Oyunda hesabı qonaqlar açsalar da, sonradan toparlanan meydan sahibləri əzmkar qələbə qazanıb.

Liqa 1-də bundan əvvəlki ardıcıl 5 oyunda qələbəyə həsrət qalan “Nant” nəhayət 3 xal qazanmağı bacarıb.

Bu nəticə ilə xallarının sayını 10-a yüksəldən “Nant” turnir cədvəlinin 14-cü pilləsində qərarlaşıb.

Qeyd edək ki, “Qarabağ” Fransa təmsilçisinə qarşı ilk oyununu II turda Bakıda keçirib və 3:0 hesablı qələbə qazanıb. Komandalar arasında ikinci görüş oktyabrın 27-də səfərdə olacaq.