Marsel'i yarımfinala buraxmadılar

Fransa kubokunda 1/4 final mərhələsinə yekun vurulub. Corner.az xəbər verir ki, bu gün daha 3 görüş baş tutub.

“Nant” “Lans”a, “Tuluza” isə “Rodez”ə qalib gələrək yarımfinala vəsiqə qazanıb. Marsel “Olimpik”i isə aşağı liqa təmsilçisi “Ansi”yə penaltilərlə məğlub olaraq mübarizəni dayandırıb.

Xatırladaq ki, ilk oyun günündə Lion “Olimpik”i də yarımfinala vəsiqə qazanmışdı.

Fransa kuboku
1/4 final
1 mart

Nant – Lans 2:1
Qol: Delor, 31-pen; 59-pen – Fofana, 28.

Tuluza – Rodez 6:1
Qol: Abuxlal, 5. Van den Bomen, 7. Dallinqa, 10; 51. Çaibi, 21. Suazo, 38 – Yunussa, 69.

Olimpik (Marsel) – Ansi 2:2 (penaltilər 6:7)
Qol: Veretu, 29. Muqe, 90+6 – Dion, 53. Muanqa, 59.