Liqa 1-in 30-cu turunun “Nitsa” ilə oyunu PSJ-nin müdafiəçisi Markinyos üçün əlamətdar olub. Corner.az xəbər verir ki, 28 yaşlı futbolçu Paris təmsilçisində 400-cü matçına çıxıb.
Braziliyalı oyunçu 2:0 hesablı qələbəyə sevindikləri səfər matçından sonra bu barədə fikirlərini bildirib:
“PSJ həmişə mənə, azarkeşlərə minnətdarlığını bildirib. Parisdə çox xoşbəxtəm!”
“Sambaçı” 2013-cü ildən Paris klubunda çıxış edir. Müdafiəçi Fransa klubundakı 400 matçda 38 qol vurub, 9 assist edib.