Fransanın PSJ komandasının baş məşqçisi Kristof Qaltyenin irqçi ifadələri təsdiqlənəcəyi təqdirdə onun hansı cəzayı alacağı məlum olub.
Corner.az xəbər verir ki, fransalı mütəxəssisə qarşı irəli sürülən ittihamlar sübuta yetirilə, onu 3 ilə qədər həbs və 45 min avro cərimə gözləyir.
Amma “RMC Sport”un iddiasına görə, istintaq uzun müddət davam edə bilər.
Xatırladaq ki, daha əvvəl Qaltyenin “Nitsa”da çalışdığı zaman çoxlu sayda qaradərili və müsəlman futbolçuya qarşı çıxdığı haqda məlumat yayılmışdı. Qaltye bu şayiələri yayan jurnalistləri məhkəməyə verəcəyini açıqlayıb.
PSJ klubu məhkəmənin həqiqəti ortaya qoymalı olduğu barədə bəyanat yayaraq baş məşqçisini dəstəkləyib.
