PSJ-nin müdafiəçisi Nuno Mendeş zədə səbəbindən bu mövsümün qalan oyunlarında yaşıl meydanlardan kənarda qalacaq. Corner.az xəbər verir ki, portuqaliyalı oyunçu Liqa1-in XXXIII turunda “Loryen”lə (1:3) görüşdə meydana sonradan daxil olsa da, mübarizəni sona qədər davam etdirə bilməyib.
Paris klubu cinah oyunçusunun tibbi müayinəsinin nəticəsini açıqlayıb. Bildirilib ki, sağ yuxarı bud nahiyəsindən zədə alan Mendeş üçün mövsüm bitib.
Qeyd edək ki, PSJ-nin digər oyunçuları Neymar, Presnel Kimpembe və Renat Sançes də zədədən əziyyət çəkir.
