PSJ-nin hücumçusu Lionel Messi Fransa Liqa 1-nin XXXV turunda “Ayaçço” ilə oyunda iştirak edəcək Corner.az xəbər verir ki, bu barədə Paris klubunun baş məşqçisi Kristof Qaltye açıqlayıb.
O, icazəsiz Səudiyyə Ərəbistanına getdiyi üçün komandadan uzaqlaşdırılan ulduz oyunçunun psixoloji durumunun qaydasında olduğunu və hazırda əla formadadı olduğu üçün “Ayaçço” ilə qarşılaşmada start heyətində meydana çıxacağını bildirib.
Qeyd edək ki, Lionel Messi məlum qalmaqal səbəbindən iki həftəlik cəzalandırılsa da, klubdan üzr istədiyi üçün cəza bir həftəyə endirilib.
