Fransanın PSJ komandası argentinalı hücumçu Lionel Messini heyətində saxlamaq üçün həlledici addım atacaq.
Corner.az xəbər verir ki, bu barədə jurnalist Fransua Qalardo öz Tvitter səhifəsində yazıb.
PSJ Messiyə 1+1 sxemi üzrə illik 100 milyon avro maaşla yeni müqavilə təklif etməyə hazırdır. Parislilər argentinalının Səudiyyə Ərəbistanı çempionatına transferinə imkan vermək istəmirlər. Messinin İspaniya “Barselona”sına qayıtmasının mümkünsüz olduğu da qeyd edilir.
Qeyd edək ki, 35 yaşlı Messinin PSJ ilə müqaviləsi cari mövsümün sonunda başa çatır. Parislilərin bütün yarışlarda keçirdiyi 39 matçda argentinalı 20 qol vurub və 20 məhsuldar ötürmə edib.
