"Lans”ın hücumçusu Lois Openda komandadakı ilk mövsümündə 37 çempionat oyununda 20 qol vurub. Corner.az xəbər verir ki, 23 yaşlı forvard bununla rekorda imza atıb.
O, 2012-ci ildə “Lill”in formasını geyinmiş Eden Azardan sonra Liqa1-in bir mövsümündə 20 qol vuran ilk belçikalı olub. Openda həm də 1994-cü ildə Roje Bolidən (20 qol) sonra “Lans”ın heyətində bir mövsümdə ən çox qol vuran oyunçu olub.
Qeyd edək ki, “Lans” Liqa1-də sona bir tur qalmış 2-ci yeri təmin edib.
