Keçmiş futbolçu Terri Anri, sabiq komanda yoldaşı Lionel Messinin PSJ forması ilə çıxış etdiyi iki mövsümü dəyərləndirib.
Corner.az xəbər verir ki, əfsanəvi futbolçu ulduz oyunçunun Paris klubunun tarixində iz buraxdığını ancaq Fransadan ayrıldığı zaman, komanda ilə uyğunlaşmadığını bildirib.
Anri eyni zamanda Messinin PSJ klubunun azarkeşlərinin də qəlblərini fəth edə bilmədiyini də vurğulayıb.
"İnsanlar Messi'nin burada qazandığı iki çempionluğu bəlkə aşağılayacaq ancaq iki ildə iki çempionluqda klub tarixinə iz qoyduğunu deyə bilərik.
Yeni bir ölkəyə getdiyinizdə uyğunlaşmaq çətindir. Messi buna rəğmən olduqca yaxşı iki il keçirdi və statistikalar da bunu göstərir. Azarkeşlərin favori oyunçusu olmağınız üçün bir komandada uzun müddət qalmağınız lazımdı və Mbappenin olduğu komanda da bu asan deyil. Parisdəki azarkeşlərlə söhbət etdikdə Messi'nin komanda ilə uyğunlaşmadığını deyirlər"
Qeyd edək ki, Messi ilə 2007-2010 illəri arasında "Barselona"da birlikdə çıxış edən Anri, bu müddətdə iki La Liqa və bir Çempionlar liqası çempionluğunu qazanmışdı.
"Barselona"dan ayrıldıqdan sonra PSJ’ə keçən Messi isə bu mövsüm yaxşı bir performansla çıxış etməsinə rəğmən komandasının Çempionlar liqasını qazanma hədəfini gerçəkləşdirməməyi üzərinə tez tez azarkeşlər tərəfindən fitə basılırdı.
