PSJ kapitanını da itirdi

PSJ klubu daha bir ciddi itki ilə üzləşib. 90deqiqe.az xəbər verir ki, Paris təmsilçisinin kapitanı Markinyoş Braziliya millisinin heyətində DÇ-2026-nın seçmə mərhələsində Argentina ilə oyunda (0:1) sıradan çıxıb. 29 yaşlı müdafiəçi sol omba nahiyəsindən xəsarət alıb.

Bu gün müayinədən keçəcək təcrübəli oyunçunun bərpa müddəti ondan sonra açıqlanacaq. 

Qeyd edək ki, Markinyoş bu mövsüm 14 oyunda 1 assist edib. 

Əlavə edək ki, PSJ-nin 17 yaşlı futbolçusu Uorren Zair-Emeri də millinin toplanışı zamanı zədələnmişdi və onun üçün mövsüm başa çatdığı açıqlanmışdı.