Tanınmış qolkiperin evi soyuldu, arvadı döyüldü

Fransanın PSJ klubunun qapıçısı Aleksandr Letelyenin evi qarət edilib.

90deqiqe.Az "RMC Sport"a istinadən xəbər verir ki, hadisə dekabrın 18-dən 19-na keçən gecə saat iki radələrində baş verib.

Naməlum şəxslər 33 yaşlı qolkiperin Paris ətrafındakı evinə daxil olublar. Həmin vaxt futbolçunun özü, həyat yoldaşı, həmçinin 2 və 6 yaşlı iki uşağı evdə olub. Cinayətkarlar oyunçunun ailəsini silahla hədələyiblər, pul və zinət əşyaları tələb ediblər. Onlar hətta oyunçunun həyat yoldaşının üzünə zərbələr də endirib.

Hüquq-mühafizə orqanlarının əməkdaşları 4 şəxsi saxlayıblar, onlardan ikisi yetkinlik yaşına çatmayıb.