PSJ-də ciddi itki

PSJ-nin müdafiəçisi Milan Skrinyar Fransa Superkubokunun "Tuluza" ilə oyununda (2:0) sıradan çıxıb.

90deqiqe.az xəbər verir ki, sözügedən matçın 71-ci dəqiqəsində  sol topuğundan zədələn slovakiyalı meydanı tərk etmək məcburiyyətində qalıb. 28 yaşlı futbolçunun "Real Sosyedad"la Çempionlar Liqasının 1/8 final mərhələsinin hər iki matçını (14 fevral və 5 mart) buraxacağı gözlənilir. Skrinyar hətta əməliyyat olunacağı və mövsümün sonuna qədər yaşıl meydanlardan uzaq qalacağı bildirilir.

Qeyd edək ki, Skrinyar  bu mövsüm parislilərin heyətində 23 matçda meydana çıxıb.