PSJ Mbappeni saxlamaq üçün bu transferləri edibmiş

PSJ rəhbərliyinin keçən yay cinah oyunçusu Usman Dembele və hücumçu Randal Kolo Muanini almağa qərar verməsinin əsas amillərindən biri hücumçu Kilian Mbappenin komandada saxlamaq istəyidir.

 90deqiqe.az xəbər verir ki, bu barədə AS xəbər verir.

Mənbənin sözlərinə görə, klub rəhbərliyi fransız forvardın klubda qalması üçün ən rahat şəraiti yaratmağa çalışırlar. Bununla əlaqədar olaraq ötən yay Kilianın milli komandadakı yaxın dostları olan Dembele və Kolo Muani transfer edilib.

Hücumçunun parislilərlə müqaviləni uzatmaq qərarına gəlməsinə fransız klubunun tamamilə Mbappeyə uyğunlaşdırılmış layihəsinin səbəb ola biləcəyi vurğulanır.

Mbappenin PSJ klubu ilə müqaviləsi bu ilin yayına qədər nəzərdə tutulub.

Qeyd edək ki, 25 yaşlı futbolçu Liqa 1 nəhəngi ilə 24 matçda iştirak edib, 25 qol vurub və 3 məhsuldar ötürmə edib.

Əlavə edək ki, daha əvvəl mediada PSJ-nin prezidenti Nasser Al-Xelaifi ilə bir saatlıq söhbətdən sonra Mbappenin cari mövsümün sonunda Real Madridə keçmək istəyinə inamının azaldığı barədə məlumatlar yayılmışdı.