Enrike PSJ-nin cari mövsümdəki hədəflərini AÇIQLADI

PSJ-nin baş məşqçisi Luis Enrike komandasının bu mövsüm qarşısına qoyduğu hədəflərlə bağlı açıqlama verib.

90deqiqe.az xəbər verir ki, ispan mütəxəssis hədəflərinin bütün kubokları qazanmaq olduğunu bildirib. 

“Məqsəd iyunun 1-dək bütün kubokları qazanmaqdır. Biz bu qədər cəsarətliyik”, - L’Équipe Enrikedən sitat gətirir.

Xatırladaq ki, Fransa Liqa 1-də 20-ci turun “Strasburq” və “PSJ” komandalarının qarşılaşdığı oyun başa çatıb. Komandalar Strasburqdakı (Fransa) “Stad de la Meno”da qarşılaşıblar. PSJ 2:1 hesabı ilə qalib gəlib.

PSJ Fransa Liqa 1-də birinci yerdədir, Luis Enrikenin komandası 20 matçda 47 xalı var. Növbəti matçda parislilər Fransa kubokunda "Brest"lə qarşılaşacaq, görüş fevralın 7-də baş tutacaq.