Kolo-Muani ona edilən tənqidlərə cavab verdi

PSJ-nin hücumçusu Randal Kolo-Muani keçən yay 90 milyon avro qarşılığında Frankfurt "Ayntraxt"ından Fransa nəhənginə keçdikdən sonra üzləşdiyi tənqidlərlə bağlı açıqlama verib.

90deqiqe.az xəbər verir ki, fransız oyunçu azarkeşlərin bu tənqidlər üçün peşman olacağını bildirib.

“Sizə bir sirr deyim: zaman keçdikcə insanlar 90 milyon avronun Randal Kolo Muani üçün əla qiymət olduğunu söyləyəcəklər.

Bilirəm ki, insanlar indi deyirlər: "Kolo Muani üçün 90 milyon avronu necə ödəyə bilərsən?" Amma mən təkid edirəm: yenə görəcəklər!” 

Xatırladaq ki, bu mövsüm hücumçu bütün turnirlərdə 27 matçda iştirak edib, 11 qol vurub və 3 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına qədərdir. Transfermarkt portalında verilən məlumata görə, futbolçunun bazar dəyəri 70 milyon avrodur.