PSJ-yə şad xəbər

PSJ-nin uzun müddətdir zədəli olan sol cinah müdafiəçisi Nuno Mendes sıraya dönüb.

90deqiqe.Az xəbər verir ki, portuqaliyalı artıq komanda ilə ümumi məşqlərə qayıdıb.

Portuqaliyalı futbolçu Parisin məşqçilər korpusu tərəfindən şans veriləcəyi təqdirdə bu ayın sonundakı matçlarda iştirak edə bilər.

Xatırladaq ki, müdafiəçi əzələ zədəsi səbəbindən ötən il mayın 2-dən meydana çıxmayıb.

Mendeş 2021-ci ilin yayında 38 milyon avroya "Sportinq"dən PSJ-yə keçib.Portuqaliyalı bu mövsüm meydana çıxmayıb. Ötən mövsüm müdafiəçi parislilərin heyətində bütün turnirlərdə 32 oyun keçirib, iki qol vurub və 7 məhsuldar ötürmə edib. Futbolçunun Fransa klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 60 milyon avrodur.