“Barselona”da çox əziyyət çəkdim"

PSJ-in futbolçusu Usman Dembele "Barselona"da çıxış etdiyi dönəmlə bağlı açıqlama verib.

90deqiqe.Az xəbər verir ki, fransız futbolçu çox çətin zamandan keçdiyini bildirib.

“Mən 20 yaşım olanda “Barselona”ya keçdim, o zaman peşəkar futbolda cəmi bir il yarım keçirmişdim. Mən hələ də oxuyurdum və dərslərimin çoxunu Barselonada alırdım. “Barselona”da çox əziyyət çəkmişəm. Çox çətin anlar yaşadım, sonra zaman keçdikcə hər şey yaxşılaşdı. Bu mənim kimi gənc futbolçu üçün məna kəsb edir”, - Sport.es Dembelenin sözlərindən sitat gətirir.

Dembele 2017-2023-cü illərdə "Barselona"da çıxış edib. Ötən yay Fransanın “Renn”inin yetirməsi olan Usman PSJ-yə keçib. Nüfuzlu Transfermarkt onlayn portalı vingerin bazar dəyərini 60 milyon avro qiymətləndirir.