Tanınmış futbolçu karyerasını başa vurur

Fransanın "Lill" klubunun müdafiəçisi Samuel Umtiti karyerasını başa vurmağa hazırlaşır.

90deqiqe.Az "Diario AS"a istinadən xəbər verir ki, 30 yaşlı mərkəz müdafiəçisi daimi zədələrdən çox yorulduğu üçün futbolla vidalaşmaq barədə düşünür.

Bildirilir ki, fransız futbolçu ötən çərşənbə günü əməliyyat olunub. "Lill"in sükançısı Paulo Fonseka qeyd edib ki, futbolçu zədə səbəbindən mövsümün sonuna qədər meydana qayıtmaya bilər.

Umtiti bu mövsüm "Buldoqlar"ın heyətində bütür turnirlər daxil olmaqla 13 oyuna çıxıb. Onun Liqa 1 komandası ilə hazırkə əmək müqaviləsi 2025-ci ilin yayına qədər nəzərdə tutulub.Transfermarkt internet portalına görə futbolçunun təxmini dəyəri 3 milyon avrodur.