PSJ 18 yaşlı futbolçuya göz dikib

"Renn"in yarımmüdafiəçisi Desir Duhet PSJ-ə keçə bilər.

90deqiqe.Az xəbər verir ki,  18 yaşlı futbolçu Liqa 1-in əsas yüksələn ulduzlarından biri hesab olunur və gələn yayda yarımmüdafiəçi üçün sərfəli təkliflər gələ bilər.

Duhetin agenti müştərisini PSJ-də işə götürmək istəyir. Məsələ hələlik klubla konkret danışıqlara getməyib.

Transfermarkt portalının ekspertləri Desir Duhetin dəyərini 20 milyon avro qiymətləndirirlər. Perspektivli futbolçunun “Renn”lə müqaviləsi 2026-cı ilin ortalarına qədərdir. Cari mövsümdə fransalı futbolçu Liqa 1-də 23 matçda 3 qol vurub və 4 məhsuldar ötürmə edib.