İki ulduz futbolçu PSJ-nin radarında

PSJ yay transfer pəncərəsində yarımmüdafiə xəttini gücləndirmək üçün qarşısına məqsəd qoyur.

90deqiqe.Az "Le Parisien"ə istinadən xəbər verir ki, "Nyukasl"ın futbolçusu Bruno Guimaraes Liqa 1 nəhəngi üçün prioritet namizəddir. Parislilərin idman direktoru Luis Kampos artıq 26 yaşlı braziliyalının ətrafı ilə əlaqə saxlayıb. Əgər Gimaraeşin transferi uğursuz olarsa, PSJ "Bavariya"dan Coşua Kimmiç üçün danışıqlara başlayacaq.

29 yaşlı yarımmüdafiəçinin müqaviləsi 2025-ci ilin ortalarına qədərdir və Kimmixin yayda klub dəyişdirməsi istisna deyil. PSJ qışda Coşua ilə maraqlansa da, transferi başa çatdırmaq üçün heç bir cəhd etməmişdi.